صول الكلمات المصرية ومعانيها

فى حياتنا اليومية بنقول كلام كتير احيانا مش بنعرف معناه بالعربى حتى لو دورنا فى المعجم ملهوش معنى ده لان اصوله مش عربية اصوله ممكن تبقى فرعونية عثمانية فرنسية ....... إلخ


مثلا : كلمة كشرى ديه كلمة اصلها فرنسية لما الحملة الفرنسية كانت فى مصر المصريين دوقوا الفرنسين الكشرى فقالوعليه (ريه كاشيه) وطبعا اتعربت وبقت كشرى وده يعنى الارز المستخبى (riz cachee)
مثلا : فلان ده بلط بلط كلمة قبطية اصلها (بليتى ) ومعناها انه كثير الجلوس او كسل
مثلا : هاسكعك بالقلم كلمة اسكعك كلمة مصرية قديمة اصلها (سقاح ) ومعناها يلصق
مثلا : امشى وبلاش لكاعة كلمة لكاعة اصلها قبطى بمعنى التباطؤ اثناء السير
مثلا : عبيط كلمة مصرية قديمة مكونة من مقطعين المقطع الاول (عا) بمعنى حمار والمقطع التانى (بيت) بمعنى حمار الشخصية
مثلا : طز كلمة عثمانية معناها ملح
مثلا : دا شايط علينا كلنا كلمة شايط اصلها قبطى (شويط) بمعنى هائج
مثلا : ده عايز يخمنى كلمة يخم كلمة مصرية قديمة بمعنى يغش
مثلا : يا نانوس عين امك كلمة نانوس كلمة قبطية متكونة من مقطعين المقطع الأول (نا) معناها (عظيم) والمقطع التانى (نوس) بمعنى جمال
مثلا : بخ كلمة قبطية مكونة من مقطعين المقطع الاول (بى) معناها (ال) والمقطع التانى (اخ) معناه (عفريت) يعنى معنى الكلمة العفريت
مثلا : الفجر يشأشأ يشأشأ كلمة قبطية معناها يضئ او يشرق او يطلع
مثلا : ابن الايه الايه كلمة قبطية بمعنى بقرة او جمل
وبس ولسه فى جزء تانى ان شاء الله هيتكتب قريب