إوعى وشششششششك..إحنا بنتكلم هيروغليفي

المزاج : زى الفل

الشعب المصري هو الشعب الوحيد الذي يتكلم
لغه فريده..
لا يتكلمها شعب اخر حتى من الشعوب المجاوره....
طبعا ...مش اللغه العربيه ...أومال إيه يا عمو؟؟؟؟
اللغه الهيروغليفيه
اه والله العظيم ..خد عندك
عمركو سمعتوا حد بيهدد عياله(بالبعبع) ؟؟؟ غير عندنا في
مصر؟
أو أم نازله ضرب ف إبنها وتقول له (كخ)؟؟؟ غير عندنا في
مصر؟
طب إيه رأيكوا أن الكلام ده أصله هيروغليفي
كلمة بعبع ...أصلها كلمة (بوبو) وهو
إسم عفريت مصري قديم كانوا قدماء المصريين يستخدمونه لتخويف الأولاد به
أما كلمة (كخه) فهي كلمه هيروغليفيه معناها القذاره؟؟؟؟
حتى العيال عندنا بيتكلموا هيروغليفي
الواد لما يجوع يقول (مم) و أصلها (أونم) بمعنى أكل ...
ولما يعطش يقول (أمبو) و أصلها (أمبموا) يعني أشرب
و العيل عندنل وهو بيتعلم المشي يقولو له ..تاتا..خطي
العتبه ..تاتا..حبه حبه
و تاتا كلمه هيروغليفيه ومعناها (إمشي)
ويا سلام لما الدنيا تمطر في الشتا و الكل يغني ويقول يا
مطره رخي رخي عالقرعه بنت أختي ..
(رخي) أصلها ..رخ.. ومعناها نزل
وفي الصيف لما نتشوي من الحر ..نقول الدنيا بقت ....صهد
.... و
صهد بالهيروغليفي معناها ..نار..
ويا محلا الهيروغليفي في أكلنا ...فالفول عندما يستوي
نقول عليه ..مدمس.. و أصلها ..متمس.. عند قدماء المصريين
ومعناها تسوية الفول ...يا خرابي...؟؟؟
دا الموضوع طلع له جذور تاريخيه ياما... يادي الفضيحه يامه
أما كلمة بصاره فأصلها ..بيصورو.. ومعناها الفول المطبوخ
...هي..هي بريحتها و تقليتها ولونها
مدد..مدد يا عم تحتمس مدد
عزيزي القارئ ...بعد هذه الدراسه من التاريخ المقارن
للغات.. إوعى تخلي واحد يتنطط عليك
ويقول لك أنا عندي لغات ...قول له...تعرف هيروغليفي؟ هيقول
لك لأ
قول له كخ يا حبيبي روح إتعلم لغات الأول و بعدين كلمني إوعى وشششششششك..إحنا بنتكلم هيروغليفي Bleh

إوعى وشششششششك..إحنا بنتكلم هيروغليفي Bleh