ازاي تبقي ارخم واحد في المنتدي

المدير العام المزاج : عادي

لازم نتعلم ازاى نرخم على الناس هنا في المنتدى

طب هتقولوا ازاى

هقولك كل اللى عليك انك تسمع كلامى بس

وتنفذ التعليمات من غير اعتراض

بس لو انطردت من المنتدى اوعى تقول ان انا السبب

والله العظيم ازعل منك

يلا نبدأ الدرس بقى

نظف ودانك بقى واسمعنى ولو بتلبس نضارة البسها وتعالى

ويستحسن تجيب كوباية شاي عشان تبقى مركز

وكــل شي موضـح بالأمثلة لتسهيــل استخـدامهــا:

أدخــل أي منتدى واكتب أي موضــوع مالوش دخل بالمنتدى اصلا الموضوع في وادي والمنتدى في وادي تاني خالص

مثال >> اكتب موضوع ترفيهي بس في منتدى تعليمي

ويا سلام بقى لو كتبتله (( ارجــوا التثبيـت )) يكون لها طعم أحسن

وتكون كدا عملت دماغ عالية جدا

وتبقى واد كفاءة ومن الاخر يعني

خد موضوع لسه معمول حالا في المنتدى

واكتبه انت برضو

وحطه في نفس المنتدى بنفس الاسم

ويا سلام بقى لو اللى كان حاطط الموضوع دا موجود اونلاين على المنتدى ولا حاجة

ولا لو كان الموضوع دا لمشرف او مشرفه مشهورين

تبقى انت كدا ضمنت الطرد يا زميلي

خلى بالك انا قلت لك انا مليش دعوة بيك

يعني لو انا قلت لك ارمى نفسك في البحر هترمى يعني؟؟

ادخل المنتدى ومتحطش ولا رد او بلاش تشارك اصلا

وكل شوية ترشح نفسك للاشراف

او تفضل تسأل انت ليه عضو مش نشيط او مميز

وكل شوية تفتح توبيك تهاجم سياسة المنتدى

وان المنتدى ماشي بالواسطة والكوسه بقا

دا انت لو عملت كدا هتبقى رخم رخامة

وانا طبعا اول واحد هيرد عليك

ومش بعيد أخليهم يطردوك من المنتدى كمان

هههههههههه

الفكرة دى بقى جامدة جدا على فكرة

اكتب موضوع في منتدى الشكاوى والاقتراحات

الحقوني يا جماعة

طبعا المشرف هييجي طاير عشان يشوف ايه المشكلة

اكتب في الموضوع ان النتيجة واحد - صفر ليك

عشان انت كدا بتشتغله بس ملكوش دعوة بإشتغاله

وقدامها صورة واحد بيضحك

اشتغالة جامدة صح

ادخل رد على المواضيع القديمة جدا جدا

والتى عفا عليها غبار الزمن

وخلى المواضيع الجديدة تنزل تحت

انت كدا بتقلب المنتدى وبتضيع مجهود الاعضاء

وكلهم بيبقوا عاوزين يقتلوك طبعا

شوف لك مشرف أو مشرفه وتلزق فيه......... كل يوم أبعت له رسائل خاصة تقـول له

ايه رأيك في الموضوع الفلانى

ياريت ترد عليا

او شرف ليا انك تمر على الموضوع بس

هنا بقى المشرف هييكره اليوم اللي خلـوه فيه مشــرف

دقق في أملاءات المشرفين... ورد عليهم فقط لتصحيح الإملاء واوعى اصلا تجيب سيرة الموضوع

الا ازعل من والله

وعندما تصـل حالة تهـورك إلى درجــة الغليــان كل اللى عليك

عند تعيين أي مشرف جـديد ... أبدا بالكلام عن الواسطة وأنه ما يستاهل ولمح أن الإدارة كلها وسايط وكوسة

وان الكوسة مليت البلد وكدا يعني

واحب ابلغكم بقى

ان اللى هيعمل كدا في المنتدي

هيتطرد هيتطرد لا محاله

اوعوا حد يفكر يعمل كدا ولو عملت انت حر بس ياريت اشتغاله يبقا برة الموضوع